ಸಾಂ ಮೊನಿಕಾ ವಾಡ್ಯಾಚೆಂ ಫೆಸ್ತ್ ಭೋವ್ ಗದ್ದಾಳಾಯೆನ್ ಆಚರ್ಸಿಲೆಂ. ಸಪ್ಟೆಂಬ ರಾಚ್ಯಾ 15 ತಾರೀಕೆರ್ ಸಾಕಾಳಿಂ 8 ವರಾಂಕ್ ಮಿಸಾಚಾ ಬಲಿದಾನಾ ಸಂಗಿಂ ಆರಂಭ್ ಕೆಲೆಂ. ವಾಡ್ಯಾಂತ್ ವಸ್ತಿ ಕರ್ಚಿ 32 ಕುಟ್ಮಾ ಸಾಂಗಾತಾ ಮೆಳೊನ್ ಶೆತಾಂತ್ ವಾಡ್ಲ್ಯೊಲ್ಯೊ ವಿವಿಧ್ ಕಾಣಿಕೊ ವಾಡ್ಯಾಗಾರಾoನಿ ಅರ್ಪಿಲ್ಯೊ. ವಿಗಾರ್ ಬಾಪ್, ಮಾನಾದಿಕ್ ಮೆಲ್ವಿನ್ ಡಿಸೋಜ ಬಾಪಾಂನಿಂ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಸಹಾಯಕ್ ವಿಗಾರ್ ಸೂರಜ್ ಲೋಬೊ ಬಾಪಾಂನಿಂ ಸಹ ಭೇಟೋವ್ನಿ ಕೆಲಿ. ಉಪ್ರಾಂತ್ ಸರ್ವ್ ಫಿರ್ಗಜ್ಗಾರಾಂಕ್ ಕಾಫಿ ಫಳಾಹಾರಾಚಿ ವ್ಯವಸ್ಥಾ ಕೆಲ್ಲಿ. ವಿಗಾರ್ ಬಾಪಾನಿ ವಾಡ್ಯಾಂತ್ ಸರ್ವಂನಿ ಏಕ್ ಕುಟಾಮ್ ಜಾವುನ್ ಆಸೊಂಕ್ ಜಾಯ್ ಮ್ಹಣೊನ್ ಉಲೊ ದಿಲೊ.ತಸೆಂಸ್ ಹರ್ಯೆಕ್ ಕಾಮ್ ದೈವಿಕ್ ಪ್ರೇರಣಾನ್ ಕರಿಜಯ್ ಮ್ಹಳ್ಳೊ ಸಂದೇಶ್ ದಿಲೊ.
ಮಿಸಾ ಉಪ್ರಾಂತ್ ವಾಡ್ಯಾಗಾರಾ ಸರ್ವ್ ಶ್ರೀಮತಿ ಜೋಸ್ಫಿನ್ ಮೊಂತೇರೊಚಾ ಘರಾ ಜಮೊ ಜಾಲ್ಲಿ. ಸಾಂಜೆಚಾ ರಾಂದ್ಪಾಂಕ್ ಜಾಯ್ ಜಾಲ್ಲಿ ರಾಂದ್ವಯ್ ಶಿಂದುನ್ ವಾಡ್ಯಾಗಾರಾನಿ ಸಹಕಾರ್ ದಿಲೊ. ಸರ್ವ್ ವಾಡ್ಯಾಗಾರಾಂಕ್ ದನ್ಪಾರಾಂ ಶ್ರೀಮತಿ ಜೋಸ್ಫಿನ್ ಡಿಸೋಜಚಾ ಘರಾ ಜೆವಾಣ್ ತಯಾರ್ ಕೆಲ್ಲೆ. ಸಾಂಜೆರ್ ಸಾಂಸ್ಕೃತಿಕ್ ಕಾರ್ಯೆಂ ಆನಿ ವೆದಿ ಕಾರ್ಯೆ ಆಸಾ ಕೆಲ್ಲೆ. ಸಾಂಜೆರ್ 4 ವೊರಾಂಕ್ ವಾಡ್ಯಾಗಾರಾಂಕ್ ವಿವಿಧ್ ಕೆಳಾ ಸ್ಪರ್ಧೆ ಮಾಂಡುನ್ ಹಾಡ್ಲೆಲೆ. ಭುರ್ಗ್ಯಾಂಕ್ ಖೆಳ್ ಆನಿಂ ವಡಾಂಕ್ ಮೊಡ್ಕಿ ಪುಟೊಂವ್ಚೊ ಕೇಳಂತ್ ವಾಡ್ಯಾಗಾರಾಂನಿ ಪಾತ್ರ್ ಘೆತ್ಲೊ. ಉಪ್ರಾಂತ್ 5 ವೊರಾಂಕ್ ವಾಡ್ಯಾ ಫೆಸ್ತಾಕ್ ಆಯ್ಲ್ಯಾಂಕ್ ಕಾಫಿ ಫಳಾಹಾರ್ ದಿಲೊ.
ಸಾಂಜೆರ್ 6 ವೊರಾಂಕ್ ಮಾಗ್ಣ್ಯಾವಿಧಿದ್ವಾರಿಂ ವೆದಿ ಕಾರ್ಯೆಂ ಚಲಯ್ಲೆ. ಭುರ್ಗ್ಯಾಂನಿ ಪ್ರಾರ್ಥನ್ ನೃತ್ಯ್ ಸಾದರ್ ಕೆಲೆ. ವೇದಿ ಕಾರ್ಯಾಂತ್ ವಿಗಾರ್ ಮಾನಾದಿಕ್ ಮೆಲ್ವಿನ್ ಡಿಸೋಜ ಬಾಪ್, ಸಹಾಯಕ್ ವಿಗಾರ್, ಸೂರಜ್ ಲೋಬೊ ಬಾಪಾಂನಿ ಭಾಗ್ ಘೆತ್ಲೊ. ಉಪಾಧ್ಯಕ್ಷ್ ರಾಜು ಸ್ಟೀಫನ್ ಡಿಸೋಜ ಆನಿ ಕಾರ್ಯದರ್ಶಿ ಲಿಡಿಯಾ ಡಿಸೋಜ, ಸರ್ವ್ ಆಯೋಗಾoಚೊ ಸಂಚಾಲಕ್ ಶ್ರೀ ಬರ್ನಾಡ್ ಮೊಂತೇರೊ, ಹೋಲಿ ಫ್ಯಾಮಿಲಿ ಇಸ್ಕೊಲಾಚಿ ಸಿಸ್ಟರ್ ಸುನಿತಾ, ಸೈಂಟ್ ಜೋಸೆಫ್ ಕೋವೆಂತಾಚಿ ಸಿಸ್ಟರ್ ಮೇರಿ ತೆರಜ್, ವಾಡ್ಯಾಚೊ ಗುರ್ಕಾರ್ ಶ್ರೀ ಕೀರ್ತಿ ಜೋಸೆಫ್ ಡಿಸೋಜ ಹಾಣಿ ವೆದಿರ್ ಬಸ್ಕಾ ಘೇತಲ್ಲಿ ಗುರ್ಕಾರ್ ಶ್ರೀ ಕೀರ್ತಿ ಜೋಸೆಫ್ ಡಿಸೋಜನ್ ಸಯ್ರ್ಯಾಂಕ್ ತಶೆಂ ಜಮೊ ಜಾಲ್ಲ್ಯಾಂಕ್ ಸ್ವಾಗತ್ ಕೆಲೊ.
ಶ್ರೀ ಮತಿ ಕ್ರಿಸ್ತಿನಾನ್ ವಾಡ್ಯಾಚಿ ಸವಿವರ್ ವರ್ದಿ ವಾಚ್ಲಿ. ವಿಗಾರ್ ಬಾಪಾಂನಿ ದಿವೊ ಪೆಟೊವ್ನ್ ವಾಡ್ಯಾ ಫೆಸ್ತ್ ಉಗ್ತಾವಣ್ ಕೆಲೆಂ. ಸಾಂ ಮೊನಿಕಾ ವಾಡ್ಯಾಂತ್ ಶಿಕ್ಪಾಂತ್ ಉತ್ತಮ್ ಅಂಕ್ ಜೊಡ್ಲೆಲ್ಯಾ ಭುರ್ಗ್ಯಾಂಕ್ ಸ್ಪರಣಿಕ್ ದೀವ್ನ್ ಸನ್ಮಾನ್ ಕೆಲೊ. ಬ್ರದರ್ ಜೋಯಲ್ ಕ್ರಾಸ್ತಾ, ಅಪೂರ್ವ ಮೊಂತೇರೊ, ಜೋಸ್ನಿ ಕಾಸ್ತಾ, ಆನಿ ಪ್ರವಿತಾ ಅಲ್ಫೋನ್ಸಾ ಡಿಸೋಜ ಹಾಂಚಿ ವ್ಹಳಕ್ ಬರ್ನಾಡ್ ಮೊಂತೇರೊ ಆನಿ ಲಿಡಿಯಾನ್ ಕರುನ್ ದಿಲಿ. ಉಪ್ರಾಂತ್ ವಿಗಾರ್ ಬಾಪಾಂನಿ ನವೆಂ ಬೆಂಜಾರ್ ಕೆಲೆ ಆನಿ ದೂದಾoತ್ ನವೆಂ ಬರ್ಸುನ್ ಸರ್ವಾಂಕ್ ವಾಂಟ್ಲೆಂ.
ಉಪ್ರಾಂತ್ ವೆದಿರ್ ಸಾಂಸ್ಕೃತಿಕ್ ಕಾರ್ಯೆಂ ಚಲ್ಲೆ. ಪಯ್ಲೆ ಥಾವುನ್ ಚವ್ತೆ ಮ್ಹಣಾಸರ್ ಆಸ್ಲೆಲ್ಯಾ ಭುರ್ಗ್ಯಾಂಚೊ ನಾಚ್ ಆನಿ ಪಾಂಸ್ವಿ ಥಾವುನ್ ಸಾತ್ವೆಂ ಮ್ಹಣಾಸರ್ ಶಿಕ್ತೆಲ್ಯಾ ಭುರ್ಗ್ಯಾಂಚೊ ನಾಚ್ ನಾಚೊನ್ ಸರ್ವಾಂಚಿ ಮನಾ ಸಂತೋಸ್ ಕೆಲಿ. ಉಪ್ರಾಂತ್ ವಾಡ್ಯಾಗಾರಾಂಚೊ ನಾಟ್ಕುಳೊ ವಾದಾಳ್ ಪಯ್ಸ್ ಸರ್ತಾ ಸಾದರ್ ಕೆಲೊ. ಸರ್ವ್ ವಾಡ್ಯಾಗಾರಾಂನಿ ಮೆಳೊನ್ ಓಣಂ ವಂಜಿಪ್ಪಾಟ್ ಪದ್ ಸಾದರ್ ಕೆಲೆ. ವಾಡ್ಯಾಂಚಾ ಸ್ತ್ರೀಯಾಂಚೊ ಕೋಲಾಟ ನ್ರತ್ಯ್ ಪ್ರದರ್ಶಿತ್ ಕೆಲೊ. ಉಪ್ರಾಂತ್ ವಾಡ್ಯಾಚಾ ದಾದ್ಲ್ಯಾಂಚೊ ನಾಚ್ ಸಾದರ್ ಕೆಲೊ. ಸಹಾಯಕ ವಿಗಾರ್ ಬಾಪಾಂನಿ ಜೆವ್ಣಾಚೆರ್ ಆಶಿರ್ವಾದ್ ಕೆಲೊ. 8.45 ವೊರಾಂಕ್ ಜೆವಾಣ್ ದಿಲೆ. ಹ್ಯಾ ಜೆವ್ಮಾಂತ್ ಸುಮಾರ್ 21 ಬಗೆಂ ವಿವಿಧ್ ರಾಂದ್ವಾಯೆಚೆ ಜೆವಾಣ್ ಆಸಾ ಕೆಲ್ಲೆ. ಸರ್ವಾಂನಿ ಜೆವ್ಣಾಚೆರ್ ಬರಿ ಅಭಿಪ್ರಾಯ್ ಉಚಾರ್ಲಿ. ಕಾರ್ಯಾಚಾ ಅಖ್ರೇಕ್ ಶ್ರೀಮತಿ ಪ್ರೀತಿ ರೋಡ್ರಿಗಸಾನ್ ಧನ್ಯವಾದ್ ಅರ್ಪಿಲೆ.
