ಸಾಂ ಮೋನಿಕಾ ಫಿರ್ಗಜೆoತ್, ಸಾಂ ವಿಶೆಂತ್ ಪೌಲ್ ಸಭೆಚೆ ಜುಬ್ಲೆವಾಚೆo ವರಸ್ ಉದ್ಘಾಟನ್ ಆನಿ ಲೋಗೊ ಉಗ್ತಾವಣ್ ಕರುನ್ ವಿಗಾರ್ ಮಾI ಮೆಲ್ವಿನ್ ಡಿಸೋಜ ಬಾಪಾಂನಿ ಮಿಸಾಚೆo ಬಲಿದಾನ್ ಭೆಟಯ್ಲೆಂ.
ಸರ್ವ್ ವೈಶಂತಿಕ್ ಭಾವಾನಿಂ ದಾನಾo ಕಾಣಿಕೆ ರೂಪಾನ್ ಹಾಡ್ಲಿo. ಸಾಕಾಳಿಂ 8 ವ್ಹರಾಂಕ್ ಮಿಸಾಚೆ ಬಲಿದಾನ್ ಅರ್ಪಿಲೆಂ. ಜುಬ್ಲೆವಾಚಾ ವರ್ಸಾ 13 ಯೋಜನಾಂ ಕಾರ್ಯಗತ್ ಕರುಂಕ್ ಆನಿ 2025 ಅಕ್ಟೋಬರಾಂತ್ ಜುಬ್ಲೆವ್ ವರ್ಸಾಚೆ ದುಬ್ಲ್ಯಾ ಕುಟ್ಮಾಚೆo ಘರ್ ಉಗ್ತಾವಣ್ ಸವೆ ಸಾoಪೊವ್ಕ್o ಯೋಜನ್ ಹಾತಿ ಘೆತ್ಲೆo.
ಉಪ್ರಾಂತ್ ದಿಯೆಸೆಜಿಚಾ ಕೌನ್ಸಿಲಿಂಗ್ ಸೆಂಟರಾಚೊ ದಿರೆಕ್ತೊರ್ ಮಾI ಅರುಣ್ ಲೋಬೊ ಬಾಪಾಂನಿಂ 11 ವೊರಾರ್ ಮಿಸಾಚೆo ಬಲಿದಾನ್ ಭೆಟಯ್ಲೆಂ. ಮಾಲ್ಘಡ್ಯಾಂಚೊ ದೀಸಾಚೊ ಸೊಂತೊಸ್ ವಾಂಟುನ್ ಘೆತ್ಲೊ. ಮಾಲ್ಘಡ್ಯಾಂನಿ ಆತಾಂ ಸಬಾರ್ ಸೊಡ್ ದೊಡ್ ಕರಿಜಯ್, ಎದೊಳ್ ಸೊಸ್ಣಿಕಾಯೆನ್ ಜಿಯೆಲ್ಯಾಂವ್ ಮುಖಾರ್ ತಶೆಂಚ್ ಜೀವನಾಚೆ ಪಯ್ಣ್ ಮುಂದರುನ್ ವರುಂಕ್ ಜಾಯ್ ಮ್ಹಣೊನ್ ಉಲೊ ದಿಲೊ.
ಸರ್ವ್ ವೈಶಂತಿಕ್ ಸಾಂದ್ಯಾಂನಿ ಮೆಳೊನ್ ಮಾಲ್ಘಡ್ಯಾಂಚಾ ದಿಸಾ ಕಾರ್ಯಕ್ರಮ್ ಮಾಂಡುನ್ ಹಾಡ್ಲೆಂ. ಹ್ಯಾ ಕಾರ್ಯಾಂತ್ ಮುಖೆಲ್ ಸಯ್ರೆ ಜಾವುನ್ ದಿಯೆಸೆಜಿಚಾ ಕೌನ್ಸಿಲಿಂಗ್ ಸೆಂಟರಾಚಾ ನಿರ್ದೆಶಕ್ ಬಾಪಾಂನಿ 12 ವರಾಂಕ್ ಚಲ್ಲ್ಲಾ ಹ್ಯಾ ಕಾರ್ಯಾಂತ್ ಮುಖೆಲ್ ಸಯ್ರೊ ಜಾವುನ್ ವೆದಿರ್ ಬಸ್ಕಾ ಘೆತ್ಲಿ. ಕಾರ್ಯಾಕ್ ಪಯ್ಲೆ ಸುಮಾರ್ 65 ಜಣಾ ಮ್ಹಣಾಸರ್ ಮಾಲ್ಘಡ್ಯಾಂಕ್ ಖೆಳಾ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಉಪ್ರಾಂತ್ 12.30 ವರಾಂಕ್ ವೆದಿ ಕಾರ್ಯೆಂ ಚಲೊನ್ ವೆಲೆಂ. ವೆದಿ ಕಾರ್ಯಾಂತ್ ವಿಗಾರ್ ಬಾಪ್ ಮೆಲ್ವಿನ್ ಡಿಸೋಜ ಬಾಪಾಂನಿಂ ಆನಿ ಸಹಾಯಕ್ ವಿಗಾರ್ ಸೂರಜ್ ಜೋಸೆಫ್ ಲೋಬೋ ಬಾಪ್ , ಸಿಸ್ಟರ್ ಆನ್ಸಿ ಮ್ಯಾಥಿವ್ , ಸಿಸ್ಟರ್ ಜೆನಿವಿವ್, ಕುಂಬ್ಳಾ ಪ್ರಾದೇಶಿಕ್ ಸಮಿತಿಚೊ ಅಧ್ಯಕ್ಷ್ ಶ್ರೀ ಡೋಲ್ಫಿ ಡಿಸೋಜ, ಕುಂಬ್ಳಾ ಸಾಂ ಮೊನಿಕಾ ಫಿರ್ಗಜೆಚೊ ವೈಶಂತಿಕ್ ಅಧ್ಯಕ್ಷ್ ಶ್ರೀ ಜೋನ್ ಕ್ರಾಸ್ತ, ಕುಂಬ್ಳಾ ಫಿರ್ಗಜ್ ಉಪಾಧ್ಯಕ್ಷ್ ರಾಜು ಡಿಸೋಜ, ಕಾರ್ಯದರ್ಶಿ ಶ್ರೀಮತಿ ಲಿಡೀಯಾ ಡಿಸೋಜ ಆನಿ ಸರ್ವ್ ಆಯೋಗಾಂಚೊ ಅಧ್ಯಕ್ಷ ಆಗುಸ್ತಿನ್ ಬರ್ನಾರ್ಡ್ ಮೊಂತೇ ರೋ ಹಾಣಿ ವೆದಿರ್ ಬಸ್ಕಾ ಘೇತಲ್ಲಿ.
ಕಾರ್ಯಾಚಾ ಸುರ್ವೆರ್ ಭುರ್ಗ್ಯಾಂ ಥಾವ್ನ್ ಪ್ರಾರ್ಥನ್ ನಾಚ್ ಸಾದರ್ ಕೆಲ್ಲೊ. ಉಪ್ರಾಂತ್ ಶ್ರೀ ಅನಿಲ್ ಕ್ರಾಸ್ತಾನ್ ಸಯ್ರ್ಯಾಂಕ್ ಆನಿ ಮಾಲ್ಘಡ್ಯಾಂಕ್ ಫುಲಾ ಅರ್ಪುನ್ ಸ್ವಾಗತ್ ಮಾಗ್ಲೊ. ವೆದಿರ್ ಸಯ್ರ್ಯಾ ಪಾದ್ರ್ಯಾಬಾನ್ ದಿವೊ ಪೆಟವ್ನ್ ಕಾರ್ಯಾಚೆ ಉಗ್ತಾವಣ್ ಕೆಲೆ. ಹಾಕಾ ವಿಗಾರ್ ಬಾಪಾಂನಿ ಆನಿ ಉಪಾಧ್ಯಕ್ಷ್ ಕೊಂವೆಂತಾಚಾ ಸಿಸ್ಟರಾಂನಿ ಸಹಕಾರ್ ದಿಲೊ. ಉಪ್ರಾಂತ್ ಮುಕೆಲ್ ಸಯ್ರ್ಯಾನ್ ಮಾಲ್ಘಡ್ಯಾಂಚೊ ದಿಸಾಚಾ ಮಹತ್ವಾ ವಿಷ್ಯಾಂತ್ ವಿವರಿಲೆ. ಆಜ್ ಕಾಲ್ ಬದಲ್ಲಾ ಆದ್ಲೆಪರಿಂ ನಾಂ ಆಮಿ ಮಾಲ್ಘಡ್ಯಾಂನಿಂ ಸುದಾರ್ಸುನ್ ವೊಚೊಂಕ್ ಜಾಯ್. ಲ್ಹಾನ್ ಕುಟ್ಮಾ ಜಾಲ್ಯಾಂತ್. ಸೊಂತೊಸಾನ್ ಜಿಯೆಂವ್ಕ್ ಜಾಯ್ ಮ್ಹಣೊನ್ ಉಲೊ ದಿಲೊ. ಸಯ್ರ್ಯಾಂ ಯಾಜಕಾಕ್ ಉಡಾಸಾಚಿ ಕಾಣಿಕ್ ವಿಗಾರ್ ಬಾಪಾಂನಿಂ ಅರ್ಪಿಲಿ. ಉಪ್ರಾಂತ್ ಜಮ್ಲೆಲ್ಯಾ ಸರ್ವ್ ಮಾಲ್ಘಡ್ಯಾಂಕ್ ಉಡಾಸಾಚಿ ಕಾಣಿಕ್ ಮುಕೆಲ್ ಸಯ್ರೋ ಮಾನಾದಿಕ್ ಅರುಣ್ ಲೋಬೊ ಬಾಪಾಂನಿ ದಿಲೆ. ಶ್ರೀ ಕೀರ್ತಿ ಜೋಸೆಫ್ ಡಿಸೋಜನ್ ನಾಂವಾ ವಾಚುನ್ ಸಾಂಗ್ಲಿ. ಉಪ್ರಾಂತ್ ಹೋಲಿ ಫ್ಯಾಮಿಲಿ ಕೊಂವೆಂತಾಚಿ ಸಿಸ್ಟರ್ ಜೆನಿವಿ ಆನಿ ಜೋಸೆಫ್ ಅನ್ನೆಸಿ ಕೊಂವೆಂತಾಚಿ ಸಿಸ್ಚರ್ ಆನ್ಸಿ ಜೇಮ್ಸ್ ಸಿಸ್ಟರಾಕ್ ಉಡಾಸಾಚಿ ಕಾಣಿಕ್ ದಿಲಿ. ಲಕ್ಕಿ ಗೇಮಾಂತ್ ಇನಾಮಾ ಜೊಡ್ಲೆಲ್ಯಾ ಶ್ರೀ ಎಡ್ವರ್ಡ್ ಕ್ರಾಸ್ತಾ ಆನಿ ಕಾರ್ಮಿನ್ ಡಿಸೋಜ ಹಾಂಕಾ ಇನಾಮಾ ಸಹಾಯಕ್ ವಿಗಾರ್ ಸೂರಜ್ ಲೋಬೊ ಬಾಪಾಂನಿ ವಾಂಟ್ಲಿ.
ಕುಂಬ್ಳಾ ವಿಶೆಂತ್ ಸಮ್ಮೇಳನಾಕ್ ಪಾಟಿಂಬೊ ದಿವುನ್ ಸರ್ವ್ ರೀತಿನ್ ಸಹಾಕಾರ್ ಆನಿ ನಿರ್ದೇಶನ್ ದಿಲ್ಲ್ಯಾ ವಿಗಾರ್ ಬಾಪ್ ಮೆಲ್ವಿನ್ ಡಿಸೋಜ ಬಾಪಾಂನಿ ಮಿನತ್ ಕಾಡ್ಲೆಲ್ಯಾ ವೆಶಂತಿಕ್ ಸಭೆಚಾ ಸಾಂದ್ಯಾಂಕ್ ಅಭಿನಂದನ್ ಪಾಟವ್ನ್ ಉರ್ಬೆನ್ ವಾವುರುಂಕ್ ಸಾಂದ್ಯಾಂಕ್ ಪ್ರೋತ್ಸಾಹ್ ದಿಲೊ.
ಕಾರ್ಯಾಚಾ ಅಖ್ರೇಕ್ ಅತೀ ಚಡ್ ಭುರ್ಗ್ಯಾಂಚೆ ದೆಣೆ ಅಸ್ಲೆಲ್ಯಾ ಮಾಲ್ಘಡ್ಯಾಕ್ ತಶೆಂ ಅತೀ ಚಡ್ ನಾತ್ರಾಂ ಅಸ್ಲೆಲ್ಯಾ ಮಾಲ್ಘಡ್ಯಾಕ್ ವಿಂಚುನ್ ಕಾಡುನ್ ತಾಂಕಾ ಇನಾಮಾ ವಿಗಾರ್ ಬಾಪಾಂನಿ ದಿಲಿ.
ಶ್ರೀ ರೋಬರ್ಟ್ ಮೊಂತೇರೊ ವೈಶಂತಿಕ್ ಸ್ಥಾಪಕ್ ಸಾಂದ್ಯಾನ್ ಆಯ್ಲೆಲ್ಯಾ ಸಯ್ರ್ಯಾಂಕ್ ತಶೆಂ ಮಾಲ್ಘಡ್ಯಾಂಕ್ ಕಾರ್ಯೆಂ ಸುಸೂತ್ರ್ ರೀತಿನ್ ಆಯ್ತೆ ಕೆಲ್ಲ್ಯಾಂಕ್ ಧನ್ಯವಾದ್ ಪಾಟಯ್ಲೆಂ.
ಸಹಾಯಕ್ ವಿಗಾರ್ ಮಾನಾದಿಕ್ ಸೂರಜ್ ಲೋಬೊ ಬಾಪಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ. ಸುಮಾರ್
1.30 ವೊರಾಂ ಜಾತಾನಾ ಸರ್ವಾಂಕ್ ಜೆವಾಣ್ ವಾಂಟ್ಲೆಂ. ಮಾಲ್ಘಡ್ಯಾಂನಿ ಕಾರ್ಯಾಂ ವಿಶಿಂ ಬರಿ ಅಭಿಪ್ರಾಯ್ ಉಚಾರ್ಲಿ.
ಹ್ಯಾ ಕಾರ್ಯಾಕ್ ದೀಸ್ ರಾತ್ ಕಳ್ಮೀತ್ ನಾಸ್ತಾನಾ ವಾವುರ್ಲೆಲ್ಯಾ ಸರ್ವ್ ವೈಶಂತಿಕ್ ಸಾಂದ್ಯಾಂಚೊ ಉಪ್ಕಾರ್ ಭಾವುಡ್ಲೊ ಪ್ರತ್ಯೇಕ್ ರೀತಿನ್ ಅಧ್ಯಕ್ಷ್ ಶ್ರೀ ಜೋನ್ ಕ್ರಾಸ್ತಾಚೊ ಆನಿ ಶ್ರೀ ಆಲ್ಫ್ರಡ್ ಡಿಸೋಜ ಹಾಂಕಾo ದೇವ್ ಬರೆo ಕರುo
